التخطي إلى المحتوى الرئيسي

طريقة عمل الكوسة باللحمة

طريقة عمل الكوسة باللحمة

معانا دلوقت طريقة عمل الكوسة باللحمة وهي طريقة جميلة لانها لما بتتعمل باللحمة بتبقي احسن واجمل لانها اللحمة بعديها طعم جميل وتبقي دسمة وطعمها تحفة وكمان لما يكون التسبيكة تقيلة شوية علشان طعمها يبقى احلى لان كدة الطماطم بتكون تقيلة فيتكون طعمها باين مع الكوسة ومعانا اجمل الاكلات علي صفحتنا تابعونا بكل ماهو جديد ولكل العرايس والمبتدئين وكمان لو حبيتي تعملي الكوسة باللحمة في عزومة لازم يكون معها حاجة كمان زي بطاطس باللحمة بردو أو لوبيا أو فاصوليا اي اكلة من دول هنبتدي دلوقت في الموضوع.

المكونات

  • لحمة
  • طماطم
  • صلصة
  • بصلة
  • فصين توم
  • زيت
  • معلقة سمنة
  • ملح
  • فلفل اسمر
  • توابل
  • مرقة

مكونات الأرز

  • رز مغسول
  • زيت
  • سمنة
  • ملح
  • مية

طريقة عمل الكوسة باللحمة

  • اولا هنجيب وعاء عميق ونحط فيها معلقتين سمنة معلقتين زيت و نقشر البصلة وفصين التوم و نفرمها في المفرمه ونحمرها في الوعاء والزيت والسمنة ونحط اللحمة تتحمر في البصل والثوم ونحط مرقة وشوية ميه ونقلب كويس لحد ما اللحمة تاخد اللون البني و تشوح في البصل والثوم كده وتاخد الريحة
  •  وبعدين ننزل بالطماطم والصلصة وتخليها تغلي فيها ساعتين
  • وبعدين نحط مرقة وفلفل اسمر وملح وتوابل لحمة
  • وبعدين نبقي نزود مية كل شوية
  • وبعدين تقشر الكوسة ونقطعها حلقات دوائر ونحطها ٥دقايق و دوقي احلى كوسة بقى وبالهنا والشفا

طريقة عمل الارز

  • هنجيب وعاء عميق ونحط فيها زيت وسمنة وشعرية تتحمر فيها ونقي الرز ونغسلها كويس جدا نحطها علي الشعرية ونقلبهم في بعض
  • وبعدين تظبط ملحو ونوطي النار لأحد ماتشرب ميتها وبالهنا والشفا على قلوبكم 
  • ممكن تعملي سلطة جانبها أو مخلل بجميع انواعها وانتظرونا في مواضيع قمة وبالهنا والشفا

تعليقات