التخطي إلى المحتوى الرئيسي

صينية بطاطس بالفرن سهلة

صينية بطاطس بالفرن سهلة

معانا موضوع حلو اوي وشيك جدا واكله كلنا بنحبها وهي من أحلى الأكلات الخفيفة على المعدة وسهلة التحضير يعني مبتخدش وقت نهائي وهي صينية البطاطس في الفرن وهي اكلة حلو اوي ومش مكلفة وتكاتها بسيطة جدا وخفيفة وبتعمل بسرعة جدا في وقت قصير خصوصا لو معاكي اطفال وعايزة تخلصي بسرعة مفيش وقت وعلي حسب الصواني اللي عندك ممكن تشوفي مقدار اكلة الأسرة وتعملي على قدها يعني خمس أفراد ٦مثلا زي ما يكون عدد الأفراد وانتظرونا في اكلات كتيرة زي الحلويات والمخللات والطواجن والكميات اللي تحبيها لأفراد الأسرة وبالهنا والشفا .


مكونات البطاطس بالفراخ

  • فراخ
  • بصل
  • توم
  • ملح
  • فلفل اسمر
  • بطاطس
  • طماطم
  • صلصة
  • مرقة دجاج
  • سمنة
  • زيت

مكونات الارز بالشعرية

  • رز
  • شعرية
  • مية
  • ملح

طريقة عمل صينية البطاطس بالفراخ

  • اولا نسلق الفراخ هنجيب وعاء عميق ونحط نصوا مية وملح وفلفل اسمر ونقشر بصلية ونحطها فيها
  • وبعدين نغسل الفراخ كويس ونحطها فيها ونديها نص غلوة يعني ربع ساعة كدة
  • وبعدين نجيب صينية ونحمر فيها بصلية متقشرة مع فصين توم في سمنة ونقلبهم كويس لحد ما ياخدوا لون ذهبي
  • وبعدين نقشر البطاطس وتنزل عليها وبعدين نقلب تقلبين
  • وبعدين نضرب عصير الطماطم في الخلاط ونحطوا عليها ياخد كم غلوة ونحط ملح وفلفل اسمر ومرقة دجاج وصلصة ونديها كم  غلوة كدة تكون البطاطس استوت
  • وبعدين ننزل عليها بالفراخ كدة ونرصها وندهن البطاطس والفراخ من فوق طماطم من اللي في الصينية بتاعت البطاطس
  • وبعدين نحطها في الفرن تاخد وش وبالهنا والشفا على قلوبكم 

طريقة عمل الارز بالشعرية

  • اولا هنجيب وعاء عميق ونحط فيها السمنة وشوية زيت علي النار ونحط فيه الشعرية ونقلب كويس لحد ما ياخد اللون الذهبي
  • وبعدين نحط ملح ونغسل الرز كويس ونقلب ا فيها وننزل بالمئة عليها لأحد مايشرب المية ونوطي عليها جدا وبالهنا والشفا 

طريقة عمل الارز المحمر.  

  • اولا بنجيب وعاء عميق علي النار ونحط فيه سمنة ونص الرز وننغسلوا ونقلب كويس ونحط ملح ونقلب كويس لحد ما ياخد اللون الذهبي ومنزل بباقي ابو ومنزل بالمئة ونقلب كويس
  • وبعدين نوطي النار وبالهنا والشفا ممكن بقى تعملى جنيه مخلل أو سلطة أو باذنجان مخلل وبالهنا والشفا

تعليقات