التخطي إلى المحتوى الرئيسي

طريقة عمل القلقاس بالصلصة

طريقة عمل القلقاس بالصلصة 

معانا موضوع جديد وجميل طبعا كلنا عارفين القلقاس الشوربة والساق لا دلوقتى معانا طريقة عمل قلقاس بالصلصة وهي طريقة جديدة وجميلة وهتستفدوا منها جدا وهي كمان اطفالك هيحبوه واتحداكي أنها هتعجبكم جدا هيقولوك عاوزين تكررها تانى لانها اكلة جميلة جدا وطعمها لذيذ يشبه البطاطس بس على احلى كمان لانها طرية وخفيفة على المعدة جدا وانتظروني في مواضيع قادمة كثيرة من كل محتوى يعجبوا زي التورتات والمعجنات والعزومات واي شي يعجبكوا هتلقوه عندنا هنا بس  انتظرونا .
ندخل علي الموضوع الجميل بتاعنا.

مكونات القلقاس باللحمة والصلصة

  • قلقاس
  • بصل
  • طماطم
  • صلصة
  • ملح
  • فلفل اسمر
  • كمون
  • شطة
  • فصين توم
  • لحمة
  • سمنة
  • زيت
  • توابل

طريقة عمل القلقاس باللحمة

  • اولا بنجيب وعاء عميق ونحط فيها معلقتين سمنة معلقتين زيت وبعدين نحمر فيها بصل وتوم بعد ما نفرمهم كويس 
  • وبعدين ننزل باللحمة عليه ونقلب كويس جدا وبعدين نحط نص كوباية مية كويس وبعدين ننزل بالطماطم والصلصة والملح والفلفل الاسمر والمرقة
  • وبعدين نديها ساعة ونص غلوة كدة وبعدين ننزل بالقلقاس بعد ماغسلته وقطعنا وبعدين نديها كم غلوة
  • وبعدين نقلب كويس وبس كده وبالهنا والشفا 

طريقة عمل الارز بالشعرية

  • رز
  • ملح
  • مية
  • سمنة
  • زيت
  • اولا بنجيب وعاء عميق ونحطها علي النار ونحط الشعرية في سمنة بلدي أو عادية
  • وبعدين نقلب كويس لأحد ماتاخد اللون الذهبي
  • وبعدين ننزل والملح والرز بعد ما غسلوا وبعدين نوطي عليها وبالهنا والشفا ..

طريقة عمل الارز المحمرة

  • اولا بنجيب وعاء عميق نحط فيه سمنة وزيت وبعدين نحط نص  الرز بعد ما غسلوا
  • وبعدين نحط ملح
  • وبعدين لما يتحمر نحط باقي الرز
  • وبعدين نقلب كويس ونحط مية ونوطي عليها لحد مايتشرب يستوي وبالهنا على قلوبكم 
انتظرونا في مواضيع كتير قادمة منها اجمل الحلويات والمعجنات والطواجن وافخم العزومات واكلات اطفال اكلات كتيرة جميلة و هتعجبكوا اوي وبالهنا والشفا على قلوبكم وكل سنة وانتم طيبين .

تعليقات